منو الختاك في جواي معزة وشوق
ورحيل جوة القلب من غرفة لى غرفة
بريدك ما فراغ مني ولا ريق العشم جفًّ
ولا في لحظة اتجليت طلع منِّي الكلام صُدفة
بريدك عن وعي وإيمان وعن تقدير وعن عِرْفه
****************
انتو لقلبي زاد عمرو وليه المنيا والسلوى
جنوني عيون لو شافها عطشان السنين يروى
ليه ما أجن ؟
الليل البشيل الناس أشيلو هموم
اقاسي مرارة الوحدة وأغالب دمعة المحروم
بتعذب سنين ما ضقت طعم النوم
صحيح شقي ومجنون
كتير أمثالي من هجر الحبيب جنُّوا
إنشاء الله أجن وأزيد في الجن
وانتو تجافو ما تحنوا
ايه انا عندي في الدنيا
فؤادي انتو مالكنه شبابي الكنت بحلم بيه
دمرتوه من بدري
وليكم يا حسان الحور هديت الباقي من عمري
انتي بتقولي أصبر
الصبر كملتو من صبري
صحيح شقي ومجنون
اساهر الليل براي بى شوق السنين ممكون
أتحسر واشيل الهم على يوم بكرة كيف حا يكون
دموعي الدمعة طاردة الدمعة وانتي بتقولي مجنون
وحات الضقتو في ريدك صحيح شقي ومجنون
